吳君如為母賀壽冬叔卻未見影：始終仲有疫情擔心人太多

吳君如今日（27/1）現身尖沙咀出席《金龍獻瑞及醒獅賀歲》活動。提到日前年初三「赤口」跟老公陳可辛、女兒陳是知和弟弟吳君祥等人為母親冬嬸慶生日，並邀請約80名親朋好友出席，包括有古天樂、佘詩曼與母親、黃秋生、高海寧、文雪兒、梁葆貞（順嫂）等，場面星光熠熠，但「冬叔」夏春秋則未有現身出席。

吳君如笑言：「因為疫情嘅關係，其實都好幾年都冇幫媽咪大搞生日，咁啱又放寛限聚令，咁咪約埋成大班人一齊癲番晚，大家都玩得好開心。而佢老人家都有投訴呢3年都冇去過旅行，佢就叫我同佢去，咁我就同佢講食咗呢餐飯先。（嗰晚抽現金獎大家抽得好開心！）係呀！大家係好開心呀，而我哋哋破財囉，哈哈！雖然我有抽到，但我都要攞返出嚟再俾大家抽過。」

被問到冬叔為何不出席生日會？君姐表示：「因為冬叔年紀都大，我都有啲擔心太多人，始終而家仲有疫情，都擔心佢會中招。不過年三十晚我哋成家人有食飯慶祝，始終少啲人會少啲接觸，咁樣會比較安全啲。」