【心理追兇】收視率唔合格？　馬國明話：個收視唔係好準㗎啦！

其實早前林敏驄Facebook 內一段片，馬國明自己都講過「廿六七點其實好X高」。不過，現今傳統電視媒體的收視率計法，一直沿用十多年前系統，就連馬國明都嫌舊同唔準。

而最近馬明套《心理追兇 Mind Hunter》將於４月30日播映最後一集2小時大結局，其實自《心理追兇》播映以來，劇中角色人物以至故事情節一直都是茶餘飯後的話題，無論是何遠東、黃君馨或黃嘉樂等人飾演的角色亦很出色，收視率平均22點，最高25點。而飾演男主角泰然的馬國明接受《香港01》訪問時提到自己對於收視十分滿意，不過似乎對tvb的收視計算好有意見。

「其實個收視唔係好準㗎啦。仲用緊十幾廿年前個統計方法，坦白，講如果嗰日打八號風球或者十號風球呢收視又高啲嘅。呢個大家都知嘅。」馬國明訪問中說到，其實自己不甚介意收視高低，因為他著重的是劇集口碑。之後馬明仲話其實本次劇集編劇以至故事結局也是一個新嘗試：「（以演員角度）我覺得呢個劇本係唔錯嘅，算係幾有野心。呢個故仔嘅ending係唔係好TVB嘅ending嚟嘅，佢（劇集監製）夠膽嘗試啲新嘢。」