佘詩曼（阿佘）今日（25/2）現身尖沙咀出席活動，提到即將為無綫新劇《News新聞女王》開工，阿佘受訪時表現興奮：「今次呢套劇嘅劇種係好唔同，因為係好似報新聞咁嘅形式去演，係要望住鏡頭去做戲，當中我要報住新聞嘅時候，又要冇表情，又要有表情，喺兩者間要作出平衡係好難，咁所以喺呢方面，我係要落啲苦工去練習吓。」

早前佘詩曼拍內地節目真人騷，被24小時監視大呻頂唔順：「其實做咩都辛苦嘅。（再有真人騷搵你，會否接拍？）我要睇吓啲咩類型囉。如果又係嗰啲24小時監控嗰啲，我諗我要再考慮。」