奪命提示｜張振朗撞爆眉骨縫7針 貼除疤貼復工：冇乜大礙
撰文：吳子生
出版：更新：
張振朗早前為無綫（TVB）新劇《奪命提示》開工時，左眉骨意外被座地燈撞中受傷後送院縫7針，需停工休養。今日（28/2）張振朗現身油麻地街頭再次為新劇《奪命提示》復工拍打戲，與對手埋身肉搏，盡顯身手敏捷，狀態回勇，他在接受《香港01》訪問時亦有透露康復進度：「其實而家個傷口都冇乜事，好返好多，點解要貼住膠布，係因為有疤痕，所以有貼住啲除疤貼。不過都好小事，冇乜大礙。呢套劇有唔少嘅動作場面，變咗我拍嘅時候，真係過足戲癮。」
張振朗同對手埋身肉搏。（陳順禎攝）
張振朗早前拍劇時，左眉骨意外被座地燈撞中受傷後送院縫7針。（陳順禎攝）
另外提到女友楊偲詠憑電影《毒舌大狀》方家軍一角而火速爆紅，被問到有否開口讚女友時，張振朗就笑言：「咁又唔使我讚嘅，全香港都有目共睹嘅。（女友話你冇表示！）冇可能，冇可能，點會呢？（怕唔怕女友叻過你？）如果係咁仲好啦，點都係想望對方好，唔通想望對方差咩，所以如果佢好，絕對係一件好事。」
張振朗現身油麻地街頭為無綫新劇《奪命提示》開工。（陳順禎攝）
+15