蘇晧兒（Chloe）今日（28/2）現身尖沙咀出席活動。Chloe透露現正忙拍ViuTV 新劇，故事內容主要講利用交友App識新朋友，成套劇算是愛情輕喜劇：「雖然現實中我未試過用交友App去識新朋友，但我就透過打機認識咗一位女網友，計一計大家都識咗差不多3年時間，但呢3年裡面，我哋係從來都冇見過面，只係透邊過書信來往。（你肯定對方是女性？）肯定，我有聽過佢把聲。（可用變聲App！）應該唔會嘅，佢係女仔嚟。（有冇視頻過？）咁又冇喎。（點解唔約出嚟見？）始終都想保留神秘感。（點解唔用交友App識男仔？）始終我都係做幕前，感覺咁樣識係冇安全感，同埋傳咗出去就唔係幾好啦。」