歷時三年的口罩令終於正式取消，終於可以除罩相見呼吸新鮮空氣，真令人十分興奮！今天（1日）黃婧靈（波波）現身户外拍攝節目《健康必殺食》，波波接受《香港01》訪問時，提到解除口罩令則沒有顯得特別開心，她表示：「我諗我會戴多一排先，因為自己都體弱多病，不過就唔會好似以前咁太緊張，放鬆relax！（屋企係咪仲有好多存貨？）有啊，因為嗰陣我覺得啲口罩好靚五顏六色，我買咗勁多個，好好襯衫啊，自己戴五顏六色都會開心啲！」