胡定欣昨晚（1日）與主演劇集《廉政狙擊》嘅黃宗澤、 吳卓羲、王浩信、蔡思貝和黃智雯現身無綫電視城錄影《獎門人》，同場仲有《隱形戰隊》嘅馬國明、陳山聰、樊奕敏、劉佩玥及劉頴鏇等人。

雖然吳卓羲係首次玩《獎門人》，但表現不俗，玩啜乒乓波前更笑言：「我好啜得」，之後又指名要與樊亦敏搶波，氹得對方十分開心。其後到胡定欣上場，但當她見到對手係馬國明時，即時耍手擰頭say no，最終由吳家樂補上。而黃宗澤對戰劉頴鏇時，眼見對方已將乒乓波啜實，但他仍然反啜搶到自己嘴裡，令在場人士起哄。