【連登女神大戰】陳瀅對決李佳芯　世界第一美女人妻阿雪參戰

正所謂窈窕淑女君子好求，睇靚女實是人之常情，中國四大美人邊個靚爭辯了幾千年都未有定案，更何況現今上網人人都可以做女神的年代，各位心目中的第一美人又是誰？近日就有網民為了TVB兩位新上位女星陳瀅和李佳芯展開「女神大戰」，分別以美貌、氣質、身材、年齡等條件作出比較，更紛紛貼出大量圖片，以引證自己擁護的偶像是世界第一。

貴為新世代「萬能KEY」的陳瀅，照戰況就暫時領先。不過，「燦神」廖偉雄教落，百貨應百客，在兩大女神對決的討論中，就有其他聲音提出「孫慧雪先係靚」，照粉絲留言數來看，已升呢做人妻兼就生得的阿雪，仍然有市場。此外，也有一些另類選擇如：「馬俊偉花旦仲靚 認真」、「蓋世寶都靚過佢」未知各位讀者又點睇？