吳千語被好姊妹周揚青爆已婚 出席活動澄清：我冇老公喎
撰文：吳子生
出版：更新：
現年29歲的吳千語，去年亮相網台節目，激罕公開談收服富三代男友施伯雄的秘技，期間霸氣盡現，有網民指她拜金女性格和鋪路入豪門的智慧現形，當時有網民猜測她可能已成功嫁入豪門。不過最近日吳千語與好友周揚青一起為時尚網站拍片，期間周揚青更大爆吳千語早已結婚。
吳千語否認已結婚。（梁碧玲攝）
今日（10/3）吳千語現身尖沙咀出席時裝品牌活動，接受《香港01》訪問時說：「我冇老公喎，邊度有結婚啫，如果有你哋點會唔知啫，係咪先，你哋實搵到啦。（周揚青爆你結婚喎！）其實嗰個都係節目內嘅劇本嚟，只係一個訪問環節一個開玩笑嚟。（有結婚目標？）未有，但如果有都會話俾大家聽嘅，到時一定會同大家講。不過講真，如果係點會唔講，其實身邊都好多朋友都有問過我。」
吳千語出席時裝品牌活動。（梁碧玲攝）