SoChing孖Winka音樂會終舉行 透露正物色護理員親自培訓照顧阿Mo

撰文:胡凱欣
出版:更新:

女團Collar成員陳泳伽(Winka)及蘇芷晴(So Ching)昨日(12日)於九展Music Zone舉辦了一場音樂會,這場原訂於上年舉行的音樂會因為So Ching當時要照顧男友阿Mo而改期,昨日終於如期舉行,Collar成員Gao及芯駖亦有到場支持。

陳泳伽(Winka)及蘇芷晴(So Ching)昨日(12日)於九展Music Zone終舉辦了音樂會。(劉智源 攝)

Winka及So Ching完成音樂會後接受訪問,表示今次音樂會與粉絲十分緊密,就像在睡房開音樂會一樣:「佢擺咗啲梳化喺後面,有少少似家嘅感覺。」So Ching則感覺現場有一隊band陪伴她們開音樂會有安心的感覺:「喺我頭先有驚嘅時候,我有專登望去後面啲band,其實佢哋都好畀到個Support我哋,所以我都好鐘意同佢哋一齊表演嗰個感覺。」Winka則說與So Ching對唱時看到對方眼睛就想哭:「我哋一望大家隻眼就好想喊,有陣時可能會避開望佢個鼻,或者望佢個嘴,大家以為望緊對方,但其實可能望緊個鼻同嘴。因為大家太過明大家,所以望到有種眼神就會想喊想喊咁。」

Winka及So Ching完成音樂會後接受訪問,表示今次音樂會與粉絲十分緊密,就像在睡房開音樂會一樣。(劉智源 攝)

Winka隨後表示在彩排時因為太多技術上的事情要處理,所以在音樂會時就變成十分催淚,Winka在今次的音樂會只給予自己60分:「因為我覺得自己表現都係有啲飄忽,我覺得專業歌手唔應該發台瘟,喊啦,又唱得唔穩啦,我覺得可以再唱好啲囉,所以我就畀自己合格多10分。」

Winka在今次的音樂會只給予自己60分,仍有進步空間。(劉智源 攝)

而So Ching只給自己50分:「有啲位都係因為自己個情緒來到了,所以就可能失準阿,我都唔想look back,我覺得要睇返啲片睇吓可以點改善,下次再好啲囉。」Winka及So Ching亦在台上預告COLLAR將會舉行演唱會,但二人未有透露是何時。

So Ching只給自己50分。(劉智源 攝)
Winka及So Ching亦在台上預告COLLAR將會舉行演唱會。(劉智源 攝)

至於So Ching被問到阿Mo的近況,她則表示:「同代禱信講嘅差唔多,其實都係慢慢take time咁樣去復原,都需要啲時間,始終都係一個好大好大嘅創傷,所以都要好多時間,所以我都要好多時間去照顧佢。」So Ching說如果有一位護理員可以照顧阿Mo比較「上手」才能放心,亦透露現正物色一個工人或護理員,她亦會親自培訓來照顧阿Mo。

So Ching透露現在物色一個工人或護理員來照顧阿Mo。(劉智源 攝)