事隔兩年，薛家燕終於有新劇，今次要做《燦爛的外母》。家燕姐心情好興奮：「其實這兩年都等緊一個好劇本㗎。今次就有個好機會，做一個嚴厲外母。加上這段期間，大家都話重溫《皆大歡喜》，睇到好夜；所以不如拍返套劇，見下大家啦。」

講到家燕姐的經典，就如她所說，是觀眾係咁翻煲的《皆大歡喜》，問到會否同監製講下，再拍新一輯《皆大歡喜》，她說：「都難啲啦，因為是經典，所以就算啦，可一不可再。」除此之外，大家經常提起家燕姐的十字步，今次新劇又會否跳下呢？家燕姐聽罷哈哈大笑：「十字步啊？我知道劇中會有一場跳舞戲，不知會不會跳下呢？要跳我都不會介意的。」

訪問期間，快將做奶奶的家燕姐不斷將「奶奶」及「外母」撈亂，她說皆因仔仔快將成家立室，心情持續興奮，「我開心到而家都未開心完。」不過家燕姐就頭痕婚宴之事，「因為好多朋友知道之後，都說記得要請埋他們，搞下搞下真係要開百幾圍啦，不過都要等拍完套劇才有時間搞，起碼都要等到明年。」家燕姐就透露囝囝與準新抱經朋友介紹結識，親家將於6月來港商討婚禮細節，有機會到英國舉行婚禮。家燕姐就給100分予準新抱，「樣又靚又體貼，加上她做開教育，同我都志同道合。」對於抱孫，家燕姐說讓囝囝他們順其自然。