陳敏之港普直播勁蝦碌 講價錢一箱變一雙嚇死助手
撰文：林得懿
出版：更新：
神仙水一出場，未介紹就已經話賣晒，到底有幾多貨?
無綫聯乘淘寶做直播帶貨，今午（30日）再次有陳敏之坐陣，作為一名帶貨主播，陳敏之無論係出前一叮、奶茶、曲奇餅都會即場試食，之不過，整場直播基本上有三分一時間都係以廣東話進行，尤其是介紹食物產品成份時。而好幾次介紹品牌歷史時，陳敏之都只會簡單講幾句，之後將時間交比鏡頭以外嘅助手。
陳敏之想話今次嘅觀眾好幸福，但發音問題，變成「辛苦」。
喺介紹出前一丁時，陳敏之不停提及12包價錢好抵：「39.7係幾錢包呢？我好明顯係叫係你哋計，（轉國語）真係好誇算（划算）。（再轉回廣東話）出前一丁我同你講真係……」此外場外有人提到「這是港版的」，而陳敏之就只係簡單表示「對的」，感覺頗不專業。之後喺介紹支裝飲品時，陳敏之的講普又將68元一箱講成68塊錢一雙，嚇得鏡頭外嘅助手即時澄清。