關楚耀(Kelvin)、游學修及趙永洪等晚上出席電影《同囚》首映禮，今次電影因有暴力情節被評為三級，提到首次演出三級片的Kelvin會否怕影響形象？他笑言自己一向無形象，「都唔怕，做演員無諗咁多。最重要劇本好，角色啱自己就去做。」

昨日Kelvin在社交網站中就與同公司的JW直播唱k，二人更在直播中合唱，Kelvin透露自己慘食檸檬，究竟點解？其實係講日後的合唱計畫，「其實我好想，但佢一口拒絕咗我，她選擇了與另一位男歌手合唱，但詳情就讓她自己宣佈。(會唔會要追下機會合作？）追咩呀，我哋唱k合作就得啦！」而接下來Kelvin將飛到台灣一個月拍攝愛情電影，在戲中更飾演預言家，至於有無感情戲？他表示感情戲就不多，反而演繹有預知能力的場口較有趣。