吳耀漢和第二任太太Susan育有三女一子，排第三的兒子吳嘉龍 (Carl) 遺傳父親的演藝細胞進身演藝界，可惜多年來星運平平。在2018年，Carl原本有意跟拍拖5年的馬來西亞籍女友結婚，但竟被女方家長嫌棄無車無樓又無錢，經濟能力未達標。

吳耀漢在活動上為兒子抱不平，寸爆未來親家說：「佢哋等緊我個仔發達。每個媽媽都想自己個女搵到個有車有樓嘅，但有晒呢啲條件嘅話又未必會揀你個女啦！一係佢幫個女搵個好啲囉！」他自言比較西化，不心急飯新抱茶。

兩父子感情要好，Carl經常在社交平台分享與爸爸的生活點滴，去年9月更陪爸爸到醫院洗腎，十分孝順。年前Carl曾跟媽媽爸爸拍攝有線節目《帶阿媽去旅行》，去杜拜旅行，Carl認為自己的幽默感遺傳自爸爸，並坦言父親是他的人生榜樣，「我最欣賞佢永遠放家庭喺第一位，好多人覺得佢好搞笑，但私底下其實佢好嚴肅，佢會好直接表達意見，成日教我做個好人、開心嘅人。」