胡敏芝（Karen）今日（14/4）現身將軍澳電視城出席無綫綜藝節目《思家大戰》錄影。Karen早前為無綫旅遊節目《荷蘭Pop Guide》親身體驗荷蘭流鶯生活，傳她大開眼界：「其實當我做廚窗女郎嘅時候，啲嫖客望住我，我係覺得好尷尬。試過有個嫖客想入嚟，但佢見到做部機喺度，佢先唔推門入嚟，如果佢入嚟嘅話我都唔知點算好，間房係有一位工作人員喺度，但嗰一刻我真係好驚。不過我哋拍嘅時候，都有趣事發生，就係有位荷蘭記者都嚟到採訪嘅時候，以為我都係出嚟做，仲走嚟拍我問價，好彩有CJ（張震宇）幫我解圍，佢同個記者講我係嚟拍嘢，唔係出嚟做，嗰一刻個場面非常尷尬。」