見步行步｜胡美貽荃灣徒步至將軍澳8小時完成：兩隻腳震緊

胡美貽（Nicole）今日（14/4）現身將軍澳電視城出席無綫綜藝節目《思家大戰》錄影。Nicole受訪時透露今早為J2台節目《見步行步》進行拍攝，由荃灣徒步行到將軍澳電視城，需時8個小時完成，過程相當艱難：「我而家成個人散晒，尤其係雙腳都係度震緊，小腿條筋扯住有啲痛。其實今次我哋係行街，同行山係兩回事，我哋係要面對冇行人路行嘅時候，我哋係迫住行馬路，加上街有多車又多塵，又多紅綠燈，所以過程係好辛苦。不過最終都完成咗今次嘅壯舉，可以話鬆咗一口氣，一陣唯有錄完節目之後，再搵人按摩下。」