一舞傾城｜莊鍶敏床戰李嘉：拍嘅時候都懷疑係過咗電視尺度
撰文：鄺鈺瑩
出版：更新：
金剛被安排與陳法蓉、蔡潔、陳星妤、莊鍶敏等人啜乒乓。（葉志明攝）
由王昌監製嘅新劇《一舞傾城》將在下月播出，劇中幾位女主角陳法蓉、蔡潔、陳星妤、傅嘉莉、莊鍶敏昨晚（18日）於將軍澳電視城錄影《獎門人》，去年劇集預告率先曝光，內有不少強姦、SM虐打、掌摑情節。
《一舞傾城》播映在即，莊鍶敏表示有一定的期待。（葉志明攝）
莊鍶敏接受《香港01》訪問時，透露自己在劇中飾演媽媽生，並多數以高叉旗袍示人，而為配合造型更索性將頭髮染成金色，放棄戴假髮。她又指劇集除背景與台劇《華燈初上》同為夜總會之外，情節、女生之間的大鬧法都有所分別。「尺度我哋拍嘅時候都懷疑係過咗電視尺度，我唔知最後剪接成點，都拍咗幾個版本，有一個係大膽少少嘅電影版本。」莊鍶敏透露劇中有不少床戲，而主要對手係李嘉。「佢真係好怕羞，同埋我好似攞咗佢第一次，因為佢好似做強姦戲多，今次唔使強。未拍之前問要準備咩、打算點拍，好在大家都專業，排完之後拍攝都順利。（會唔會有男男床戲？）以我所知無，但有無鬼祟拍就唔知。」
王晶今日亦有現身電視城，但未有參與《獎門人》錄影。（葉志明攝）
另外，提到與大S前夫汪小菲密會一事，莊鍶敏表示：「真係朋友聚會上遇到，唔係好方便繼續討論，因為唔想再發酵。當然有傾計，但內容就唔方便透露。」