梁凱寧任大學兼職講師　完sem收到學生驚喜：雖然尷尬但係好感動

前無綫（TVB）新聞主播梁凱寧（Maggie）離開無綫後向多方面發展，例如前往斯里蘭卡做義工湊細路教英文，到香港電台擔任《醫生與你》的節目主持，以及回到母校香港浸會大學，擔任傳理學院新聞系的兼職講師。

眨吓眼又完成了一個學期，一班學生準備了驚喜給兼職講師梁凱寧。今日（24/04）梁凱寧在IG貼出數張照片，寫道：「突然又已一年，學生們好好。九半咁早都肯嚟上堂，仲要多謝Bonnie及母校的信任。p.s. 多謝學生的禮物，將我讀書+實習+初入行蝦碌片段合集，咁都俾你哋諗到。雖然好尷尬，但係又好感動。Love you all。」原來學生將她以往的片段剪輯起來送給梁凱寧，實在窩心。有學生在底下留言：「已加入fans club」梁凱寧就以一個笑臉回答：「冇呢樣嘢。」可見他們的感情相當好。