雯雯終於成功搬屋竟遇無良業主慘被「玩」 遭反口幾乎要流落街頭

撰文:張嘉敏
出版:更新:

張致恒(Steven)與老婆區燕雯(雯雯)於2019年奉子成婚,兩人三年抱三,結婚至今已育有3名兒子,但去年在最細兒子未滿一歲時,雯雯已周期性嗌離婚,被網民戲稱做「離婚界KOL」。雯雯曾多次在IG上大呻Steven「又廢又懶」兼疑似發表離婚宣言,不過兩人至今依然維持婚姻關係,早前一家就因為搵地方搬屋問題而令到雯雯十分苦惱。日前他們終於成功搬屋,然而過程中卻遇到不少阻滯,更疑被無良業主「玩」慘遭臨時反口,幾乎要流落街頭。

Steven張致恒與老婆區燕雯(雯雯)關係撲朔迷離。(IG:@ugly__mama)

雯雯昨晚於IG出post表示:「呢個幾星期經歷嘅就好似坐過山車咁,租咗屋簽哂約,大搬個日,已經搬哂嘢過去,當晚同我講唔租比我。當晚佢三個仲要病得好犀利發高燒,第二日即刻租咗第二個地方,叫做錯有錯着,個地方好舒服,所有嘅人同業主都好好。前日三個一齊去急症,病極都唔好,今日終於到我大病,佢哋三個又持續發燒,不過我相信新地方會帶來好運,只要我堅持同努力,成家病埋呢一場,之後一定會好💪喺呢件搬屋事件上面,真心好多謝出心出力幫助同陪伴係我哋身邊嘅人,如果唔係當晚連埋,所有屋企嘅嘢同埋狗仔都唔知可以去邊。每發生一件事,都會成長同上一課,包括今次咁大件事。我對好多事情都有唔同嘅睇法同成長。」

雯雯出post講述搬屋經過。(雯雯ig)

不少網民都留言為雯雯一家打氣,讚她為母則強:「好驚險,好彩揾到更好嘅地方住🙌」。有網民就質疑業主:「簽哂約唔租,佢應該要賠錢」、「個業主勁衰囉,點解要搬哂過去先唔租!🔥」、「啲咁衰嘅業主早走早著,加油,祝福你」。

雯雯要湊住3個小朋友真係唔容易。(雯雯IG)
+45