趙璧渝（Osanna）今日（9/5）現身將軍澳電視城出席無綫（TVB）熱播劇集《法言人》宣傳造勢活動。提到她在劇中飾演性格寸嘴「網紅CoCo」顏潔恩一角，有幕自告奮勇獨自面對傳媒霸氣十足，令人眼前一亮，有網民留言大讚好演技。

Osanna受訪時表示：「其實我演呢個角色自己都有啲擔心，因為自己本身個性，同呢個角色嘅性格係反差好大，加上又驚觀眾唔知點睇我，又怕觀眾睇完會討厭我，嫌我太過乞人憎，但我係估唔到觀眾原來咁受落，仲話我演得入形入格，寸嘴嘅性格表露無遺，變咗我真係好感謝觀眾咁鍾意呢個Coco，而佢哋有咁嘅反應，亦係對我好大嘅支持同鼓勵。而呢套劇亦係我加入無綫十年拍嘅劇中海報首次有我，同時見到咁多人鍾意Coco呢個角色真係一個里程碑。」