咁你都唔識｜鄭衍峰上節玩遊戲靠呃呃氹氹 馮盈盈做定功課嘥心機

馮盈盈和鄭衍峰（Leonard）今日（10/5）現身電視城出席無綫綜藝節目《咁你都唔識》錄影。Leonard透露玩法創新，每位嘉賓都可以帶埋一位朋友上節目一齊玩遊戲講故仔：「其實玩呢個遊戲最難係你點樣揀拍檔幫你勝出，因為有時候要透過講大講去呃對手，咁先會有機會贏，而我就講大話就唔叻，咁所以就要夠我朋友幫吓口，講真呢個遊戲玩法都幾得意，從中係可以學到好多新嘅知識。」

馮盈盈接著表示：「其實我對香港真係唔太過認識，變咗玩呢個遊戲會比較蝕底，咁所以我上嚟之前我係上網做功課溫書，睇吓香港嘅大事小事，點知編審同我講叫我放棄，因為佢哋嘅問題係好廣泛，包括香港大事小務衣食住行乜都有，我聽完之後就死咗條心，於是就搵咗湯博士（湯兆昇）嚟幫我，呢鋪食粥食飯就靠佢。」