HOY TV周末黃金時段重播20年前節目 肥媽、李佳芯、黃翠如被亮相
撰文：林得懿
出版：更新：
肥媽03年主持《肥媽開飯》(當年叫《肥媽私房菜》)長達7年之久，而當時陸浩明仲未同肥媽一齊煮嘢食。
杜之克出任HOY TV行政總裁，日前會見傳媒時未有透露任何工作大計，但提到「唔做大台會做嘅嘢」。HOY TV本周日將推出新節目《有線經典930》，首集係同大家一齊重溫肥媽嘅《肥媽開飯》以及蘇施黃嘅《一粒鐘真人蘇》！
《一粒鐘真人蘇》首播係2005年，其實如果喺大台播的話，應該屬於《大台寶藏》系列。
節目將陸續重溫李佳芯、陳貝兒、黃翠如、洪永城及陸浩明等人喺有線年代所主持嘅節目《活得很滋味》、《巴黎72小時》及《有個娛樂乜人台》。睇返HOY TV節目表，《有線經典930》由晚上9時30分播到11時，而大台同一時段將播出《我和媽咪有個約會》、《不可能任務》以及《中年好聲音 追夢之旅》。喺黃金時段炒冷飯，HOY TV都幾勇於嘗試。