劉浩龍搵張家輝教練操肌　2個月勁減21磅預告年底開騷

剛完成與甄子丹、劉德華、姜皓文合作的新戲《追龍》後，快將投入另一新戲拍攝的「師兄」劉浩龍，日前趁有空檔，選擇唔休息而北上搵真銀，果然出名夠勤力。「返到自己鄉下（中山）登台，真係會有份親切感，但今次經歷更特別，因為撞正勞動節假期，往中山嘅高速公路大塞車，我哋足足用咗6個鐘頭先去到目的地，塞車期間我同同事都人有三急，好在搵到廁所，如果唔係就弊家伙！」認真驚險。

為新戲努力減磅

提到即將開拍的新戲，師兄就大賣關子，只肯透露自己在戲中扮演一位電影巨星背後的動作指導，雖然沒有真打場面，但導演就話想「唔打得、都睇得」，要求師兄曬黑之餘，更要減肥。師兄表示由於新年同聖誕頻頻出埠，導致肚腩發福……「減肥對我其實唔難，反而未試過練大隻、練朱古力腹肌，就算拍完套戲，我都打算繼續keep，再刻苦啲練埋腹肌。」他透露暑假左右會有新歌出，找到合適場地的話年底有可能會開個唱。「我咁耐未試過做騷除衫，如果今次練得成，我唔介意露排朱古力俾大家睇。」睇落師兄好有決心，大家即管期待一下。