賴彥妤勁黑仔被鐵馬壓傷需入院：傷口有成12cm長腿擔心留疤
撰文：吳子生
出版：更新：
Vivienna賴彥妤常以長腿作賣點。
無綫《娛樂新聞台》女主持賴彥妤（Vivienna）日前外出期間，不慎被路邊鐵馬壓傷右腿小脛骨，即時血流如注，需要即刻入院治療。對於突然飛來橫禍，Vivienna受訪時表示：「其實嗰日我見到個鐵馬反落嚟嘅時候，我嘗試避開，但反應唔切最後都被割傷，傷口有成12cm長，見到長長血痕，痛到我暈，直頭標晒眼水，事後即刻去咗醫院打破傷風針，而家個傷口都隱隱作痛，而且每日都要洗傷口避免發炎。反而家我係最擔心係驚會留有疤痕，始終長腿係我最鍾意嘅身體重要部位嚟，而之前喺《law霸女神》節目度我都有哂長腿，有唔少朋友知道我受傷都即刻關心我，令我覺得非常窩心。」
Vivienna右腿被路邊鐵馬擊傷，需要即時入院治療。
Vivienna下次出街要留神啦。
Vivienna有份主持無綫節目《law霸女神》。