羅毓儀母校面臨殺校學生照曝光 雙眼通紅：雖只係村校但教好品德
撰文：洪曉璇
出版：更新：
近年香港學生人數持續下跌，不少學校都面臨收生不足問題，黃大仙溥仁小學小一收生欠一名學生，就要面臨殺校，原來此校正是羅毓儀母校，她跟隨《東張西望》攝製隊回校探訪，期間更雙眼通紅感觸落淚。
羅毓儀近年劇接劇受力捧。（IG：@yukyukyukee）
羅毓儀跟隨《東張西望》攝製隊回母校探訪。（IG：@yukyukyukee）
2008年畢業，相隔十多年羅毓儀重遇當年老師，被大讚當年是乖學生，當年學生照隨之曝光相當純。羅毓儀一路上相當興奮，直言校內完全唔同晒。回到6C班房坐在當年位置，羅毓儀忍不住雙眼通紅：「呢度絕對唔係一間名校，只係一間屋村學校，知道依家好多家長同埋小朋友都係有個目標，一定要入名校，我自己覺得呢一間學校係令到你嘅想法變得正確，細個都覺得成績好緊要，大個就覺得人情味，或者點樣正確面對一啲難題先至係最重要。」當提到若然母校真的被殺校，令她最不捨的地方是甚麼？她聞言即飲泣，並表示：「所有嘢，所以依家有啲後悔，點解自己唔多啲返嚟！」
羅毓儀當年學生相曝光。（影片截圖）
羅毓儀聽到母校面臨殺校雙眼通紅。（影片截圖）
+25