無綫總經理曾志偉在圈中的成就無庸置疑，而他曾在節目《今夜不設防》中自爆龍虎武師出身的他的武行生涯曾是人生最低潮。1974年，曾志偉被劉家良賞識，遠赴台灣加入張徹的「長弓電影公司」當龍虎武師：「嗰陣時係我人生捱得最苦嘅時候，我最記得一件事令我決心返嚟係……嗰陣我哋8個龍虎武師去，曾經試過有一日病咗冇得開工，睇醫生要幾錢呢？係90蚊台幣，90蚊台幣差唔多10幾蚊港紙，我哋8個加埋唔夠90蚊畀我去睇醫生，要嗰日要去開工，然後攞咗飯錢返嚟先夾到錢畀我去睇醫生。」

曾志偉憶述當時辛酸：「嗰陣我一個人病，病就最慘冇人。個個去晒開工，我一個人匿埋，好感觸就決定返香港，第二日就同家良哥講我要走。因為嗰陣行業低潮，能夠去都係攞最低人工。我記得嗰陣風光三日，永遠都係頭三日大魚大肉，跟住就捱啦。」1976年曾志偉回港發展，並跟隨洪金寶和成龍先後在「邵氏」、「嘉禾」、「羅維影業」等電影公司中工作，慢慢進入事業巔峰。

點撃下圖睇曾志偉元配：