【母親節】羅敏莊獲囡囡D.I.Y頸鏈做禮物：唔知點解佢自己戴返
撰文：李妍樺
出版：更新：
因為工作關係，Mimi同屋企人會提前慶祝母親節。（梁碧玲攝）
明天就是母親節，身兼媽媽和藝人身分的羅敏莊（Mimi）因為正日有工作，所以今晚會提前與家人慶祝，而囡囡昨日亦送上DIY頸鏈給她做禮物，她說：「今晚媽媽會負責搞，佢以前係Wet妹嚟，開Party好在行，阿囡尋日做咗條頸鏈畀我，但唔知點解佢又自己戴返，我當佢已經送咗架喇，佢始終咁細個唔可要求咁多。」
Mimi經常在Facebook上分享與囡囡相處的一點一滴，她表示囡囡表演慾非常強，甚至主動要求報讀興趣班，「我又唔會怪獸家長咁特別幫佢報好多興趣班，反而係佢會問我點解唔畀我學畫畫，佢會提我幫佢報名。」
爸爸媽媽都是藝人的話，大眾亦自自然然會疑問他們的小孩會否做童星出道，但Mimi覺得最重要看囡囡自己的興趣，她解釋道：「要睇佢自己有冇興趣，如果佢想嘅話我會支持鼓勵佢，但小朋友唔同我哋，我哋隨傳隨到，小朋友好情緒化，佢哋可能突然間又唔想上台。」囡囡開始慢慢長大獨立，問到Mimi有沒有打算再生一個小孩，她直言自己年紀大沒這個打算，加上一個小孩已經有夠她忙了。
Mimi收到囡囡親手做的頸鏈，好sweet。（梁碧玲攝）
Mimi有囡囡一個就夠晒數喇。（梁碧玲攝）