中年好聲音2｜52歲亞姐蔡美蘭大走樣 自信心爆棚：冇可能唔得
撰文：吳子生
出版：更新：
無綫歌唱節目《中年好聲音》第二季今日（24/6）於將軍澳電視城進行第二輪海選，其中一位參賽者是現年52歲、亞姐出身、又做過艷星的蔡美蘭。對於能否順利入圍，蔡美蘭在接受《香港01》訪問時表示：「其實自己參加咗就梗係希望自己入到，我唔相信自己十強都入唔到，始終我都幫咁多人搞咁多演唱會，又好多人請我做表演嘉賓，我冇可能唔得㗎嘛，咁唔緊要啦，我有自己嘅音樂頻道，希望大家支持我。」
蔡美蘭今日現身《中年好聲音2》海選。（陳順禎攝）
+5
被問到今次參加是否為了「刷流量？」蔡美蘭直言不諱：「梗係有，都想多啲人認識，有一半一半啦。始終我自己都鍾意音樂同唱歌。（你覺得自己唱歌得唔得？）喺我個人音樂頻道，平時都好多人like我㗎。（有冇去過公園唱歌收利是？）一次半次啦，哈哈，都實都幾好搵㗎。不過而家做直播我都有利是收，變咗我就唔使企公園咁辛苦啦，利是都有百幾二百蚊㗎，收入都唔錯。（月入十萬？）唔又冇，如果有我就唔使參加呢個節目啦！」
蔡美蘭曾奪得1993年亞洲小姐「最上鏡小姐」獎項。（影片截圖）
+2