73歲劉松仁罕現身公開場合 面色紅潤宣布出山工作
撰文：洪曉璇
出版：更新：
73歲的劉松仁（松哥）自15年的無綫劇《華麗轉身》後，近幾年鮮有現身幕前。2021年劉松仁曾被影到手持拐杖行路，手震兼口齒不清傳出中風消息，近日他罕有現身更宣布將復出工作﹗
劉松仁近年甚少幕前現身（截圖）
王梓軒與石祐珊半年前聯合創立元娛樂製作平台，融合Web3.0的最新科技於娛樂及藝術工業。日前舉行首個展示會，劉松仁、王君馨及朱晨麗亦有到場參觀，並透露將與劉松仁再度合作，將全息投影和其他互動性科技套用至舞台劇《利瑪竇》重演升級版，作為明年的重點項目：「呢個劇2019年公演嗰陣好受歡迎，做足20場都爆晒，雖然叫座，但係因為有好多人物同場景，所以製作成本都唔低。今次我哋會再同松哥合作，將某啲場面數碼化，好似利瑪竇要坐船飄洋大海，傳統劇場只可以用一個佈景呈現，我哋可以用投影技術營造整個航海嘅畫面，令觀眾更投入。」
劉松仁近年身體狀況惹關注。（劉松仁微博）
合照中松哥頭戴CAP帽面色紅潤，比早幾個月微微發福更顯精神，王梓軒表示劉松仁對這項新技術大感興趣，因此邀請對方到場率先體驗：「佢覺得呢啲新科技好有發展空間，同時又可以令觀眾享受更多，所以佢都好想做多啲新嘗試。」
劉松仁現身支持王梓軒，精神相當不俗。
+42