請1日假去旅行︱麥長青認粗魯冇禮貌　邵初陳懿德水上樂園大解放

TVB旅遊節目《請1日假去旅行》今晚（7日）將播出廣州篇，除了譚玉瑛、麥長青（麥包）和陳懿德外，邵初亦加入主持行列，並邀請了黎諾懿及在《BB來了》飾演其女兒的妃頤妹妹擔任嘉賓。

譚玉瑛、麥包和陳懿德首先到訪了逾八百年歷史的沙灣古鎮，大歎當地特色美食如掟死狗、爬金山和薑埋奶等，麥包更親手炮製手調飲料孝敬譚玉瑛，笑言自己在廣州兩年冇工開就在街上賣檸檬茶。晚上食飯時，德德問麥包與譚玉瑛為何如此老友，麥包笑言：「可能人夾人，佢同黎芷珊都好包容我，我有時比較粗魯冇乜禮貌，但佢哋都好接納我。」譚玉瑛聞言即加一句：「原來你都知嘅，知都好緊要㗎，但改唔改就係一件事！」

翌日邵初和黎諾懿等一行人去到廣州長隆度假區，諾懿化身廿四孝爸爸陪妃頤妹妹玩兒童版過山車、跳樓機等，畫面溫馨。兩位同屆港姐德德和邵初則在水上樂園大解放，姊妹情深的兩人穿上同款泳衣。除了孖住玩漂流外，亦挑戰了刺激度爆錶的滑水梯，玩完被邵初扶着走的德德說：「鍾意刺激嘅人真係要嚟玩！」晚上兩姊妹再參加水上電音派對狂歡，Chill到爆。