近期的熱話，一定是洪永城與唐詩詠的兩年半感情正式告吹，這場「洪唐情變」，引起不少網民討論，加上創造力量同幻想，開始FF唐詩詠分手，一向同女方關係密切的馬國明終於有機會，建議他去馬，追回唐詩詠回來，更有網民話最佳情侶一定係：「洪永城與黃翠如」、「馬國明與唐詩詠」。不過始終都要回歸現實，大家不要忘記馬國明現在的緋聞女友是黃心穎，而馬明早前都同傳媒講關於「洪唐分手」，說：「唔好拖我落水！」似乎是想保護返心穎BB喎！

問到心穎BB關於網民再次將馬國明與唐詩詠配對，她笑言有留意此事，說：「其實作為一個觀眾嚟講，都好正常嘅事。正如我細個睇劇集嘅時候，見到男主角同女主角，都會幻想如果佢哋現實中係一齊就好喇！都會自行幻想幫佢哋做配對。大個咗都會知道現實同幻想係兩樣嘢，我唔會因為咁樣而去介懷囉，如果咁樣都介懷，我係一個咩嘅女仔，會唔會太小器呀？只係覺得幾好笑。」不過網民過度FF馬明與詩詠，心穎BB會否覺得被忽略呢？她說：「我又唔覺得喎！咁佢（馬明）唔Ingore我就得啦！同埋我唔覺得呢樣嘢會影響到我哋囉。」

至於唐詩詠日前哭崩向傳媒表示她不是貪錢的女人，心穎BB表示有留意新聞，替對方感到心痛：「我好體會到呢種感覺，因為我以前都有試過畀人咁樣寫，都有因為呢啲嘢唔開心，因為女仔好容易畀人咁樣寫，我自己睇到都好戥佢可憐，希望大家可以畀多啲時間佢啦，其實分手初期一定會比較down，仲要咁樣寫佢，真係好殘忍，希望佢可以快啲好返。」心穎BB最介意傳媒寫她的家人：「如果寫我啲咩嘅話，因為我已經經歷過，大概都知道點處理，但我屋企未面對過呢啲情況，寫嘅話佢哋可能會唔識處理，會感覺唔好，我就最唔想係咁。」