曹敏莉選美舊片翻Hit 被大女Dora質問點解要着泳衣：佢好保守
撰文：吳子生
出版：更新：
曹敏莉（Mandy）今日（21/7）和11歲大女Dora現身灣仔書展出席名講故事活動。Mandy在接受《香港01》訪問時表示：「今次係我同囡囡第一次上台講台故事，而佢今次講嘅英文故事書，我係講畀佢同二仔同三仔佢哋聽好多次，變咗佢已經聽慣聽熟，同埋佢今次會喺台上用英文講，而我就會係用中文再講解返。」
曹敏莉和大女兒Dora今日出席書展講故事。（陳順禎攝）
被問到囡囡有否興趣加入娛樂圈？Mandy笑言：「其實佢個人係冇乜表演慾，佢比較鍾意彈琴同埋睇書寫作，咁所以佢大部分時間都係用嚟睇書，呢樣嘢就係佢喺屋企嘅活動嚟。（囡囡知唔知你參選過港姐？）哈哈，係佢三年班嘅時候，佢啲同學話咗畀佢知，起初佢都唔相信，後尾佢而家大咗都有上網睇過我選美啲片段。（囡囡有否提過想參選？）佢話佢唔選，因為佢好怕醜同埋好保守。佢試過問我點解要着泳衣？我就話你去泳池都着啦，哈哈！」
曹敏莉表示大女Dora無興趣加入娛樂圈。（陳順禎攝）