「熊仔頭」王嘉盈推散文寫真集 唔敢太性感：唔想我老竇尷尬
撰文：吳子生
出版：更新：
「熊仔頭」王嘉盈(嘉盈 Kaying) 樣貌標緻以及擁有驕人身材，加上作風一向前衛大膽，曾在節目講出不少火爆言論，而備受網民熱捧。今日（22/7）嘉盈現身灣仔書展為其散文寫真集舉行簽名會。Kaying受訪時表示：「其實呢本書我都籌備咗半年時間，有一半時間寫，有一半時間影。今次呢本書印咗幾多我都唔知，因為我個人本身出嚟做嘢都唔會問價錢嘅人嚟，因為我好怕同人講錢，變咗如果講錢嘅就唔好搵我，哈哈！」
王嘉盈透露新書中有6個不同造型。（梁碧玲攝）
被問到今本散文寫真集有多少個造型？Kaying透露只有6個造型，而且性感尺度不大：「當中有一款係連身泳衣。至於點解書入面嘅造型會比IG嘅相來得保守，係因為我唔想我老竇尷尬，費事佢一打開本書然後心諗點解要着到咁。我爸爸本身年紀都比較大，思想比較守舊，咁所以之前佢都有見到我啲性感相，都有啲不滿，但就冇直接話我囉，反而我媽咪就比較接受，仲話我影得幾好，成個辣妹咁。」
王嘉盈今日現身灣仔為其新書舉行簽名會。（梁碧玲攝）