黃翠如現身灣仔書展宣傳新書 爆洪永城應承買但唔見影：佢仲未買
撰文：吳子生
出版：更新：
藝人黃翠如今日（24/7）現身灣仔書展出席其新書《在地上遇上天使》講座。翠如受訪時時表示：「呢本書係我第3本嘅書，而對上一次我出書已經係10年前嘅事，咁所以我係冇諗過會出第三本書。咁其實我對文字係有一種着迷，因為我自小就好鍾意旅遊作家三毛，係佢令到我知道旅遊係要用文字去記錄低。咁所以到我終於出到一本遊記，去記錄好多人嘅故事，咁我就覺得係成就解鎖。」
黃翠如今日現身灣仔書展為其新書《在地上遇上天使》舉行講座。（梁碧玲攝）
被問到老公蕭正楠有否看過這本新書？翠如表示：「其實係我整理嘅時候，我都有睇，佢仲會喺屋企度朗讀我以前一啲旅遊日記嘅經歷，佢仲話我以前真係好大膽，而我又會好自豪自己有呢樣戰績。（洪永城有冇買書支持？）佢話自己會買5本嘅，佢話咗買，但就仲未買。（咁少，叫佢買多啲送俾人！）我相信佢......哎，你都係問佢，我唔想幫佢兜。哈哈。不過佢話買5本都已經好好，始終佢而家都湊B，咁所以都希望佢可買書俾囡囡睇，哈哈！」
黃翠如相隔10年再出新書。（梁碧玲攝）
黃翠如話洪永城應承買書，但未見影。（梁碧玲攝）