陳豪今日（7/8）現身深水埗出席無綫熱播劇集《破毒強人》宣傳造勢活動。提到有網民點評他在劇中所飾演的大毒梟文華刻意扮沙聲，令到他們聽得很辛苦。陳豪接受《香港01》訪問時表示：「其實我哋作為演員，就係點樣令到個角色會有唔同，而今次係我大膽咁同監製提出，而今次嘅選擇亦唔知觀眾接唔接受，同埋出嚟效果都係唔知，但我就係抱住嘗試嘅心態去做。起初監製都反對，認為唔得，因為係電視劇度好少會係咁，而我就同佢分享我嘅睇法，始終我我之前都拍開好多江湖片，好多江湖人物佢哋把聲都會好沙，咁所以想用返呢啲聲，去襯返呢個角色。不過點都好都印證咗一樣嘢，聲線係會令到人哋嘅接收，係會第一時間改變，係會令到呢個角色唔一樣。」