王敏奕（Venus)今日（8/8）現身尖沙咀出席醫美品牌活動。提到同佘詩曼（阿佘）合作拍無綫新劇《新聞女王喜獲對方點名大讚。Venus表示：「好多謝佢，當然受到佢對我咁好嘅評價，我係有啲受寵若驚，但無論點都好，我都會繼續努力，唔好辜負佢對我嘅讚賞。（同阿佘合作會唔會有壓力？）其實咁又冇嘅，因為佢個人係好友善同埋係好慷慨，佢會俾好多意見，而且會喺拍之前，會同主動同我哋接觸同埋溝通，因為佢好深明一個道理，只要對手好，變相佢都會好，愈多人好，咁套戲就會好，同埋佢對每一個角色都有一啲自己嘅諗法，咁所以我都係佢身上學唔少嘢。」