中年好聲音2｜鄧兆尊胞弟鄧兆榮打定輸數執包袱：冇可能會贏
撰文：吳子生
出版：更新：
鄧兆尊胞弟鄧兆榮今日（12/8）現身電視城出席無綫大型歌唱選秀節目《中年好聲音2》記者會。鄧兆榮在接受《香港01》訪問時表示：「其實喺初賽嘅時候自己嘅表現唔係咁好，都諗住都會冇機會，點知就收到通知自己入咗圍係幾開心。（上次表現咁差，哥哥鄧兆尊有冇咩表示？）佢梗係取笑我啦，但我就有解釋出現咗咩狀況。不過到最後，都好多謝評判畀機會我。」
鄧兆榮晉級《中年好聲音2》。（梁碧玲攝）
鄧兆榮打定輸數執包袱。（梁碧玲攝）
鄧兆榮續說：「其實我知自己事，我唔係唱歌出身，咁所以我為咗呢個比賽，我都有搵歌唱老師學習唱歌，發覺原來唱歌係好專業，係有好多技巧並唔簡單，令我獲益不少。（承唔承受到輿論壓力？）其實我都成五十幾歲人，就好好似當年，由我二十幾歲到而家，人生經驗都經歷好多，到而家我好睇得開，好多嘢都唔會介意，只要做好自己就得。（鄧兆尊有冇話贏咗會獎勵你？）冇可能會贏啦，都係做好自己就得。」
《中年好聲音2》晉級參賽者大合照。（梁碧玲攝）