林峯近日留在馬來西亞拍攝劇集《家族榮耀之繼承者》，日前他趁空檔帶埋老婆張馨月同愛女小格格一齊去動物園遊玩，由網上流出嘅照片所見，林峯除咗抱住小格格之外，又為老婆拎奶粉袋，絕對係廿四孝好老公好爸爸代表。

講到手袋，林峯呢日為老婆拎嘅並非女士們最愛嘅Hermès或Chanel，而係法國百年品牌Fauré Le Page。唔少人入手名牌Tote bag的話，都會考慮另一法國品牌Goyard，貪其輕身、容量夠大，兼可以揹上肩膊。至於張馨月點解會揀Fauré Le Page做「奶粉袋」，相信除咗係因為袋身嘅肩帶可調較長短之外，價錢亦可能係原因之一，事關Fauré Le Page最大size價錢為為1660美金（約13000港元），而Goyard喺每年加價嘅慣例之下，GM size已經索價逾15000港元，而且未必有貨，識揀都一定係Fauré Le Page。