《2023香港小姐競選》三甲賽果昨晚順利誕生，冠軍由15號莊子璇大熱奪得，亞軍是獲得友誼小姐的4號王怡然，季軍是17號王敏慈。有網民對賽果甚表不滿，直指王怡然不應奪亞軍，狠批在問答環節表現遜色，就連講東話都未講好，單靠一股傻氣勝出，完全同香港小姐要具備的美貌與智慧並重大相逕庭。相反10號陳霈錤在問答環節表現出色，更獲全場掌聲，最後三甲不入令很多網民大跌眼鏡，慨嘆原來傻氣比有智慧更優越。

今日（28/8）港姐亞軍王怡然（Lynn）及季軍王敏慈（Lovelle）現身電視城出席港姐活動。Lynn受訪時表示：「其實我就冇睇到呢啲新聞，因為實在冇時間，但對我嚟講個個都應該攞冠軍嘅。（你覺得自己贏喺邊？）其實我覺得自己個笑容幾好，成晚一直我都有Keep住個笑容。（呢樣係你最強武器！）笑容係好重要。（其他都唔使理！）咁又唔係，其他都重要。」王敏慈表示：「我覺得每人都有自己心水嘅人，所以我哋最重要嘅就係做好自己，同埋我哋每一位嚟參選嘅佳麗，都有佢哋自己嘅閃光點。」