蔡思貝傳被徐肇平力追 語有暗示留發展空間：聽日係點我都唔知
撰文：吳子生
出版：更新：
蔡思貝今日（28/8）現身九展出席電影首映禮。對於有傳黃淑儀兒子徐肇平趁她到歐洲拍旅遊節目《貝遊歐洲》時，自掏腰包由香港飛到當地大獻殷勤陪她開工，並希望藉此打動蔡思貝芳心。
蔡思貝出席電影首映禮。（梁碧玲攝）
蔡思貝就事件接受《香港01》訪問時表示：「其實我之前都回應咗，喺個旅遊節目度我係會安排幾個神秘嘉賓亮相節目，而且呢幾個神秘嘉賓都認識咗十幾年，但唔知點解，咁啱點解會有呢個報道出咗，就係咁穿咗呢個神秘嘉賓，而佢就係其中一位嘅神秘嘉賓喇。（傳佢力追你，是否有呢個可能性呢？）其實我同佢係一個時期入行，大家都認識咗十年有多，而傳我同佢有緋聞嘅第一次，係喺中環碼頭嗰度拍劇，而佢就嚟探班，就係咁嘅情況之下就傳我哋一齊，其實咁多年嚟我同佢係好好朋友嘅關係，大家係會乜都講嗰種。（將來有冇可能由朋友轉為情侶關係呢？）我唔係未來占卜家，咁所以聽日係點我都唔知，哈哈！」
蔡思貝澄清與徐肇平是朋友關係。（梁碧玲攝）