金庸小說最累事女主角 趙敏定郭芙最煩膠？
撰文：郭敏玲
出版：更新：
睇金庸小說，除了欣賞各種精采絕倫的武打場面，精細研究各個角色的功夫招式之外，細膩動人的感情線，絕對係另一個必睇位，分分鐘睇睇下忍不住流了兩行淚。金庸筆下的男角色，不但好似漆黑中的螢火蟲一樣，咁鮮明、咁出眾之外！身邊都總會有一位紅顏，不過女人同「累人」都係一線之差，而她們的一舉一動，都是其中一個牽引劇情走向的因素，一個唔小心，都有可能搞到他人有咩冬瓜豆腐，再大獲啲，滅國都有份。就在討論之前，再一次觀望多數網民心目中，比較紅顏禍水的女角。
真係出土文物。（網上圖片）
香香公主
顏值：★★★★★★★★★☆（十粒星為滿分）
性格：好傻好天真
最累事：靚到乾隆皇帝都要爭崩頭，令到陳家洛反清失敗，自己地頭都死好多人
代表人物：余安安、梁藝齡
其實任盈盈算係一個好老婆。（網上圖片）
任盈盈
顏值：★★★★★★★☆☆☆（十粒星為滿分）
性格：有辣有唔辣，但冇得你選擇，令狐沖另計
最累事：出身邪教，行事心狠手辣，同時因為身份影響令狐沖名聲
代表人物：袁詠儀、張敏、關之琳
黎姿真心靚。（網上圖片）
趙敏
顏值：★★★★★★★★☆☆（十粒星為滿分）
性格：聰明、豪邁但唔麻甩
最累事：用十香軟筋散毒晒啲勁人，搞到要張無忌特登入寺救人，後來仲毒死埋張無忌表妹蛛兒
代表人物：汪明荃、黎姿
老實講，郭芙都幾乞人憎。（網上圖片）
郭芙
顏值：★★★★★★☆☆☆☆（十粒星為滿分）
性格：直腸直肚、港女
最累事：咪搞到楊過冇咗右臂囉！郁啲就斬人
代表人物：傅明憲
人哋畀對眼佢都唔領情，衰爆。（網上圖片）
阿紫
顏值：★★★★★★☆☆☆☆（十粒星為滿分）
性格：刁蠻、冷血
最累事：為咗留住喬峰嗰人，竟然用毒針刺傷對方；畀人毒盲之後，游坦之搵虛竹「做手術」捐對眼畀佢，但阿紫狗咬呂洞賓，嘥咗人哋對眼，麻鬼煩。
代表人物：劉玉翠
阿珂，此女只應天上有。（網上圖片）
阿珂
顏值：★★★★★★★★★★（十粒星為滿分）
性格：天真過頭，略帶玻璃心
最累事：少少事要生要死
代表人物：梁小冰、朱茵、李嘉欣
金庸筆下有咁多女角，累事嘅應該唔止得呢幾個，大家睇完不妨留言討論下！