鄭伊健內地劇集終於出土 領銜演出但每集出場得5分鐘
撰文：林得懿
出版：更新：
鄭伊健近年鮮有作品推出，他5年前接拍嘅內地劇集《最燦爛的我們》近日終於上架，話晒都係第一次拍內地劇，加上領銜演出，開播前，唔少fans都表示十分期待。
鄭伊健2007年拍完《霍元甲》後，直到2018年才再次拍劇，可惜《最燦爛的我們》拍完之後，又擺咗 5年先出街。（影片截圖）
隨著劇集開播，伊健終於在第二集最後幾分鐘出場，簡單交代佢係係一名畫家、單親爸爸之後，隨即與台灣女星展任容萱開同居生活。之不過，劇集主線大部分都係落在張天愛與盛一倫身上，伊健每集嘅戲份加埋都唔夠5分鐘，每次出場都如同客串一場，再加上劇集拖泥帶水兼老土，唔少網民都提議改名為「最爛的我們」。
任容萱喺劇中因迫婚失敗同男朋友分手，繼而搬到鄭伊健屋企, 最後二人發生感情。（影片截圖）
《最》開播，張天愛、盛一倫、任容萱都有在微博宣傳，但鄭伊健就一字不發，之不過，伊健對上一之喺微博發帖已經係2019年，相信佢連微博密碼都應該已經唔記得。