「滑冰女神」馬曉晴為亞運節目任嘉賓主持唔怕甩漏：要做定功課

香港花樣滑冰女神馬曉晴（Maisy)昨日（11/9）現身有線電視大樓出席HOY TV獨家直播《杭州第19屆亞運會》開廠拜神儀式。Maisy受訪時表示：「今次係做嘉賓主持，咁其實我係第一次做夏季運動，上次我係做《冬奧》，咁所以今次嘅項目對我嚟講係好新，變咗喺主持工作方面要做定好多功課，避免有任何甩漏。（大家都好關心你嘅感情生活？）忙囉！（你要應付多個男友？）哈哈，唔係呀！特別係呢一年，可能疫情又好返少少，所以工作方面係多咗嘢做，就自然會少見朋友，但我就覺得係一件好事嚟，始終今年自己都23歲，自己有另一個司儀嘅身份，咁多啲嘢做學多啲唔同嘅嘢都係一年好事。」