微辣前經理人阿晶（Jane）因抑鬱症輕生離世，千字遺言控訴微辣部分人的不是，令多名微辣藝人被網民聲討。而霍哥（霍俊邦、藝名：霍景耀）就率先宣布離巢，但被質疑只是「掟煲唔掟蓋」，霍哥再發文上載解約文件表明與微辣已劃清界線。

當日火速離巢令霍哥被封「微辣清泉」，更隨即參加「香港電競之父」鍾培生舉行的拳賽與周永恆（Roy）對打。不過，有網民指微辣有不少子公司，質疑他「掟煲唔掟蓋」，以微辣身份參加拳賽。

霍哥上載一張手持文件的照片，寫道：「睇嚟放出一張簽名圖唔夠，令大家仲有誤會。喺度講多次啦，我已經同前公司簽署，有法律效力的藝人解約文件，已中斷現時與前公司的所有合作關係（包括子公司），未來亦沒有任何合作的計劃，所以霍俊邦、霍哥，現在是一個"獨立"藝人，並"不屬於"任何公司。至於大家很關心的拳賽，我是以"個人"名義與鍾生簽署，這一點鍾生可以證明。有人話我為咗拳酬而打，用4個幾月去搏命練習，日日攰到隻狗咁畀人打到口腫面腫，真係你同我賺埋佢😂」

點擊對打連環圖：