甄子丹女兒甄濟如（Jasmine）今晚（14/9）現身中環出席時裝著名牌品活動。早前Jasmine宣布以唱作歌手身分加盟Sony Music旗下RCA Records (大中華地區)，並推出首張專輯《tbh》收錄8首歌曲，並大曬舞技。她受訪時表示：「其實跳舞我係好鍾意，咁所以我係唔覺得辛苦，而我Daddy同媽咪佢哋都有睇到，佢哋都好驚喜，因為平時我喺屋企係比較文靜。（幾時有做歌手嘅想法？）其實喺我14歲嘅時候，我記得喺我7歲嘅時候已經寫歌。」

被問到感情生活，Jasmine大爆因父親是甄子丹的關係，令自己感情生活一片空白：「我諗佢哋會驚我爸爸。（嚇到啲男仔唔敢埋身？）我唔知，可能我而家仲未遇到。（爸爸有冇話識男友要好打過佢？）冇呀，佢仲未講。（爸爸有冇話過幾多歲先可以拍拖？）我哋未講呢啲嘢，可能我比較怕醜，咁所以唔想講呢啲嘢。」