阿J@小薯茄獲大馬女神讚靚仔 程人富︰佢連仔女叫咩名都諗埋
撰文：鄺鈺瑩
出版：更新：
《薯茄明星運動會》今午在西貢運動場舉行，小薯茄、試當真、東方昇、KB等人都有出席，而全員均需參加短跑、推鉛球、跳遠、接力賽以及扯大纜。
程人富、阿J、肥蚊、朱Mic接受訪問時，透露外國不時都有YouTuber舉辦明星運動會，所以他們亦嘗試舉辦。「因為香港都有好出色嘅創作者，所以想俾大家一齊睇到，我哋除咗拍片之外，呢方面都可以好好，同埋我哋成日剪片，所以趁機做運動。」
提到FINALLY即將出歌，程人富透露會將作品派台，並希望有好成績。「大家可以放心，我哋搵咗專業音樂人，唔係我哋自己作，大家可以期待下。MV方面，陣容都勁，但因為十劃都未有一撇，所以唔透露咁多。」
另外，早前大馬女神Miko Wong（黃潔琪）公開大讚阿J靚仔，並指阿J是可以邀往的對象。阿J笑言受寵若驚，又話睇到報道後怕會被恐嚇，但程人富即踢爆：「佢睇到訪問已經諗埋啲仔女叫咩名。」阿J表示Miko之後有機再來香港的話，會爭取合作機會。「我之後有啲系列係識女仔，希望同佢假戲真做，哈！都係睇下會唔會有火花可以擦出。」