KB、東方昇曾受邀玩虛擬貨幣　「完全唔識投資，避過一劫」

東方昇與KB出席《薯茄明星運動會》，二人接受訪問時笑言將年齡層提升，又謂本身志在參與，但見其他人全套運動裝上陣，才驚覺大家都十分認真 。KB平時多玩水上活動，問他轉玩短跑、跳遠等項目會否感到不慣，他說：「都慣嘅，最緊要係氣氛好，同啲後生一齊自己都年輕晒。好開心小薯茄邀請我哋上咗年紀嘅一齊玩。」東方昇早上跑100米時不慎拉傷，他表示無大礙。「之後幫大家打氣，佢哋都好敬老，好照顧我哋，所以俾返啲機會年輕人。」

提到近日成為熱議嘅虛擬貨幣，KB透露去年曾受邀參加投資：「不過我完全唔識，所以避過一劫，我都係打鼓、拍節目娛樂大家，投資完全唔識，都唔知好彩定唔好彩。」東方昇亦曾獲邀，但由於不感興趣，故亦避過一劫，二人又笑言身邊的朋友都較毒，所以未有資格玩投資。