Lucy李元元公開狂野食相　妹妹Sucy齋睇冇得食一臉羨慕

李璨琛與太太梁志瑩(Sophia) 自誔下大女李元元（Lucy）後，一直頻頻為她經營社交網站，而Lucy可愛模樣深受網民喜愛，人氣急升成為最強人的星二代之一。Lucy最近更榮升家姐，擁有可愛的細女Sucy，姊妹情深感情深厚。母親Sophia最近在社交網分享了細女Sucy沖涼的照片，並表示：「冇見幾日，返嚟見到妹妹覺得佢又吹漲咗一個碼。」

其實過往Sophia都曾經在社交網分享過細女的出浴照片，但有不少網民留言應該要把身體的部位遮得密實一點，所以今次Sucy就顯得格外小心，完全包到實一實！今日（20日）Sophia又再IG分享了大女Lucy身處在家中的餐枱進餐，而細女則坐在一旁陪家姐進食。她說：「見到佢哋兩個坐埋一齊，就覺得充滿喜感。」照片中可見家姐Lucy吃得相當滋味，反而妹妹Sucy看得目定口呆，一度表現得羨慕家姐一樣，網民紛紛搞笑留言表示：「Sucy好慘淨係可以望住家姐食」、「齋睇冇得食」、「家姐好乖肯食菜！」