【口噏噏】《蘭花劫》同《詭探》互片 出土文物VS都市傳說點揀?
5月29日,除了是中國節日端午節前夕外,更是電視界久違多時的重大日子!皆因TVB的出土文物劇《蘭花劫》與ViuTV火力全開靈異劇《詭探》對陣...咪住!還有新開張不久的奇妙電視的外購劇《浪漫師傅金醫生》,就此三大電視台形成了擂台陣。不論有心安排,或是無心插柳,三台一直以來鮮有正面交鋒,加上冇乜鑊氣,往往停留在「今晚大台套劇點點點」,還是「有選擇哋無選擇」;所以,這種格局無疑地吸引了觀眾的眼球。
不過,網民眼見三大對陣,各自有獨特見解。對於塵封10年的《蘭花劫》再一次「面世」,有人認為除非套劇好好睇,不然點解事隔10年都要擺佢出嚟?另一方面,正因為套劇10年前唔擺,而家先嚟播,明顯TVB放軟手腳,倒不如睇睇ViuTV出盡奶力之作啦!各有各睇法,不如就為大家睇下三套有什麼過人之處?
TVB出土文物劇:《蘭花劫》
做完4K實景《不懂撒嬌的女人》再播10年前的劇,TVB這下子真的是不按常理出牌。高層解釋指,由於TVB製作太多,所以漏了這套滄海遺珠,就此想公諸同好。既然講到咁好睇,點解決4K變低清問題先?官方就話會用數碼修復技術,將標清母片修復好,尺寸亦由4:3,變成16:9。不過,這不是重點吧?觀眾眼中,你請我食鵝髀,轉過頭要人食蔗渣,有點難接受吧!這樣安排,讓人覺得TVB有刻意讓步。
ViuTV火力全開靈異劇:《詭探》
繼《綠豆》之後,ViuTV似乎都無咩聲氣,大家都覺得後勁不繼。轉過頭,就開了一套新劇《詭探》,大講香港都市傳說:中大辮子姑娘、高街鬼屋,還有地鐵鬧鬼廣告等,等同勾起觀眾的集體回憶及膽子。加上講鬼故當然要有人才成事,有邵仲衡、河國榮、車保羅,還有尹揚明做茅山師傅,這些配搭新鮮且睽違多年,貌似值得一睇。
奇妙電視外購劇《浪漫醫生金師傅》
奇妙電視開台之前,都已經講到明主打是實況娛樂及綜藝節目,所以黃金時間都用來播放外購劇。《浪漫醫生金師傅 》現在正播到第11集,雖然緊接在後就會有孔劉的《鬼怪》,但對比兩間電視台,確實有點失色。