陳瀅大馬瘋狂覓食反而愈來愈FIT　曬靚膊仲可以同王敏奕交換衫著

劇集《家族榮耀之繼承者》雲集佘詩曼、林峯、羅嘉良、陳靜等，7月到馬來西亞拍攝外景至近日終煞科。有份拍攝的陳瀅，身形時肥時瘦成為焦點，狀態回勇SHOW靚膊與王敏奕趁拍攝空檔到處遊玩。

早在7月時，《家族榮耀之繼承者》便於馬來西亞開鏡，陳瀅與王敏奕趁拍攝空檔到處遊玩瘋狂，打卡剪成短片二人猶如孖妹一樣，到處找美食，不過她們亦有狂做運動消耗卡路里，反而愈食愈FIT狀態大勇。片段中換上多套服裝，陳瀅曬靚膊纖腰非常誘人。即使素顏上陣都咁靚，餵王敏奕食嘢大笑亦未見雙下巴出現，狀態十足。